الرئيسيةالقرآن الكـريمأخبار مصر اليوم(** ذاكـرة مصـر المعاصـرة **)س .و .جبحـثدخولالتسجيل

شاطر | 
 

 حرر عقلك لإستقبال المؤثرات الإيجابية .. Free Your Mind

اذهب الى الأسفل 
كاتب الموضوعرسالة
soulmate_m
Admin
avatar

عدد المساهمات : 15
تاريخ التسجيل : 27/02/2010

مُساهمةموضوع: حرر عقلك لإستقبال المؤثرات الإيجابية .. Free Your Mind   الإثنين أبريل 05, 2010 9:17 pm



احبائي واخوتي واصدقائي ..
السلام عليكم ورحمة الله وبركاته
أما بــعـــد ،،،

فكرت كتير اوي قبل ما ابتدي اكتب في قسم قضايا للحوار وقريت معظم القضايا المطروحة وحسيت اني محتاج اتكلم واعرض عليكم قضية اجتماعية نفسية بحتة
بتقابل كل واحد فينا بنت وولد راجل وست ...
وللعلم فقط فكل ما يقال هو من وجهة نظري الشخصية وراي في الموضوع من خلال تعمقي في التفكير به وانا لست دكتور نفساني ولا احاول .


يا ترى ابتدي كلامي ازاي ؟

العوامل النفسية – الحالة النفسية – المرض النفسي

مين فينا مش بتحاوطه عوامل نفسية بمشتمل معانيها ؟؟ .. افتكر مفيش !!
الحياة مليانة بمواقف وكلمات وحروف ومشاهد وافعال ومسببات تندرج تحت بند العوامل النفسية ..
وكل حاجة زي ما ليها سبب فهي ليها اثر ..

ليه العوامل النفسية موجودة ؟
طيب ما نسأل العكس ايه الي يحصل لو مفيش عوامل نفسية في حياتنا ؟
الطيبة مش هتكون موجودة والشر مش هيكون موجود
الطيبة مش طبع ولكن اكتساب من عوامل محيطة بيك بتأثر عليك نفسيا بتخليك طيب
والدليل انك لو اتحطيب في عوامل نفسية مغايرة ومعاكسة هتلاقي نفسك بقيت شرير

كذلك الحب والكره – العاطفة والبرود – العلم والجهل وكل مترادفات الحياة

اصبح الإكتساب هو العامل الوحيد الي لا يخلو منه شخص وكلنا على ما اظن بنكتسب امور كتيرة كل يوم ..

ومن الجزئية دي هبتدي اوضح كلامي

العوامل الي اتفقنا عليها في اول كلامي انها ليها مؤثرات نفسية سواء بالشيء الكويس او الوحش .. بتفضل عوامل لحين استقبال العقل ليها
يعني طول ما هيا عوامل فهي غير مؤثرة باي شكل


لكن ( الإكتساب ) في حد ذاته هيا القضية !!

بمجرد انك اكتسبت المؤثر الناتج عن العامل النفسي المحيط بيك انت بدأت في الحالة النفسية بدون ما تشعر واصبح عقلك يرجع هذه المؤثرات لأصولها ..

هديكوا مثال للتوضيح

انت مكتسب الطيبة واتخانقت مع شخص وفي اثناء الخناقة اتلم حواليك ناس كتيرة واحد بيقولك اضربه والتاني بيقولك اشتمه والثالث بناولك مطوة وهكذا ... في اللحظة دي انت حاجة من الإتنين .. يا اما مستقبلاتك الحسية العصبية قوية وانك في حالة نفسية مستقرة فهتعمل بالطيبة الي فيك .. يا اما هتنصاع لأي فكرة من الأفكار الي اتقالتلك
خلصت الخناقة وقعدت مع نفسك .. في اللحظة دي بيحصل حاجة زي الفلاش باك لأحداث الخناقة كلها وبالتفصيل ساعات ... الفلاش باك كلها عوامل .... العوامل دي انت بتديها الفرصة وبالتالي بتيجي منها عامل من العوامل تكتسبه بشكل مؤقت في العقل الباطن ومع اول خناقة تانية يا اما هتشتم يا اما هتضرب يا اما هترفع المطوة
.............. لكن عمرك ما هتبقى زي ما انت الأول الا لو ما عملتش فلاش باك من الأساس وبمعنى ادق الا لو ما استعرضت العوامل المحيطة بيك في ذلك الوقت


يا رب اكون وصلت المعلومة بالمثال ده

في ناس ممكن تقول انا مش بتغير وبفضل على مبدئي والخ
عايز اقولهم اي شخص عنده مبدأ لو العوامل المحيطة بيه قوية بما فيه الكفاية لتهز الإتزان النفسي عندك مش هتحافظ على مبدئك

هديكوا مثال للتوضيح

راجل عايز يعمل البطاقة بتاعته وبيقف طوابير طويييييييييييييلة وكل مرة يجي قبل دوره بمراحل يقوله العسكري انت ناسي ورقة او ناسي ختم .. المهم يرجعه تاني من حيث اتى ... الراجل زهق وفي وسط الطابور سمع الناس كلها بتشتكي وبتقول اجماعا ، ان الفلوس من تحت الطربيزة هيا الحل وهتخلص القصة دي ..
الراجل مستنكر ده طبعا لأن مبدأ الرشوة عنده مش في الحسبان ولما رجع للمرة الثالثة ، عمل فلاش باك للعوامل المحيطة بيه في تلك اللحظة وللأسف تدارك ان المفروض انه يعمل كده بغض النظر عن المبدأ في سبيل انهاء القصة
تحول الموضوع من مجرد مبدأ الى حالة نفسية اصابته بالإحباط الغير ظاهر مما ادى به لإختلال نفسي وبالتالي غير مبدأه !!!


افتكر الصورة وضحت اكتر دلوقتي .. يبقى لو اخدناها من البداية هنلاقي ان التسلسل ماشي كده

العوامل النفسية – الحالة النفسية –

ايه الي بيحصل لما بيكون عند الشخص حالة نفسية طبعا مع اختلاف درجاتها وقوتها ؟؟

الشخص المصاب بحالة نفسية الي قصدناها .. بيكون جاهز تماما انه يترجم هذه الحالة بالطريقة الي عايزها ومع الوقت بيحاول انه يكسب غيره هذه الحالة

لاحظوا اني بتكلم في الحالات النفسية سواء كانت كويسة او حشة !!!!

وبالتالي لما شاب منحرف لقى ابوه وامه وخاله واخته وصديقه وزميله في المدرسة
واستاذه وجاره وبواب العمارة وبتاع الفول وبياع الدرة وكل الناس الي حواليه بتتعامل معاه وبتضغط عليه بمؤثرات حسية الي بنقول عليها عوامل .. تتحول عنده مع الوقت لمؤثر نفسي وهيكتسبها وبالتالي هيبقى واحد من كل الناس الي ذكرتهم

طيب والعنيد ؟ العنيد ده مش بالضرورة انه عنده اتزان نفسي على قد ما عنده خلل نفسي والدليل على ذلك انه عايش وسط كل دول وما بيتأثرش بيهم ومع ذلك قابل العيشة في وسطهم

وده يفسر ليه ناس كتيرة بتطفش وتسيب بيوتها بحثا عن الشارع والحياة الغريبة البعيدة عن الواقع الي هو رافضة

يبقى ده اسمه مرض نفسي

ولو جينا للتسلسل الي ذكرناه من الأول هنلاقيه

عوامل نفسية – حالة نفسية – مرض نفسي

وارجع تاني واقول . ان الحالة النفسية والمرض النفسي الي بتكلم عليه مش بالضرورة انه يكون شيئ وحش ممكن كمان يكون حلو ... يعني مش علشان بقول مرض او حالة يبقى وحش .. وانا متأكد انكم فهمتوني



الخلاصة

حرر عقلك من كل اكتسابات قديمة ليست لها اثر ايجابي في حياتك
عند جلوسك مع نفسك تأكد ان الفلاش باك هيشتغل ولما يشتغل
يا اما تاخد الإيجابيات الي فيه يا اما من الأفضل ما تشغلهوش في حالة انك راضي اتم الرضى عن الموقف الي شهدته بنفسك
العين عندما ترى الى الناحية اليسرى فهذا دليل على انك تتخيل احداث
واذا نظرت العين للناحية اليمنى فهذا دليل على على انك تفكر الآن
فلا تنظر الى اليسار
تمعن بشكل قوي وبتعمق في حيثيات اي موقف تصادفه
ستجد انك ملك الموقف برمته وانك الوحيد المتصرف به
بعد مشيئة الله عزوجل



وضحت ليكم من وجهة نظري المتواضعة تفكيري في الموضوع ده
واود بشدة لو اني احصل على ارائكم التي قد تفيدنا جميعا

وسامحوني على تعمدي الكتابة ما بين العامية بالفصحى

فهي لها اثر نفسي على القارئ

مع ارق تحياتي لكم جميعا .. صديقكم سولميت


عدل سابقا من قبل soulmate_m في الإثنين أبريل 05, 2010 9:48 pm عدل 2 مرات (السبب : دعوة لتحرير العقل من كل التفاهات واكتساب كل الإيجابيات التي حولنا)
الرجوع الى أعلى الصفحة اذهب الى الأسفل
رانيا محمود
عضـــــو فعال
عضـــــو فعال


عدد المساهمات : 99
تاريخ التسجيل : 26/03/2010

مُساهمةموضوع: رد: حرر عقلك لإستقبال المؤثرات الإيجابية .. Free Your Mind   الإثنين أبريل 05, 2010 10:36 pm

ان
ا عرضت موضوع مشابه لكلامك فى الروم واعتقد مكنتش موجود

الموضوع بيكلم عن القيم والمبدئ اللى انت مقتنع بيه

ومش هتتنازل عنه وهتقول فى نفسك لايهمنى طول الطريق ولا قله المسافرين معى

هى قناعتك الذاتيه
هى شخصيتك

وان حادت عن الطريق
لقوه العاصفه فسرعان ماتعود

المبدء لايتجزأ

وانا لو اقتنع بشء لايثنى عزيمتى احد

هذا راى المتواضع وتقبل مرورى
الرجوع الى أعلى الصفحة اذهب الى الأسفل
عيون
عضـــو متميز
عضـــو متميز
avatar

عدد المساهمات : 119
تاريخ التسجيل : 04/03/2010

مُساهمةموضوع: رد: حرر عقلك لإستقبال المؤثرات الإيجابية .. Free Your Mind   الثلاثاء أبريل 06, 2010 2:03 am

الرجوع الى أعلى الصفحة اذهب الى الأسفل
noran noran
عضـــو متميز
عضـــو متميز
avatar

عدد المساهمات : 146
تاريخ التسجيل : 27/02/2010

مُساهمةموضوع: رد: حرر عقلك لإستقبال المؤثرات الإيجابية .. Free Your Mind   الأربعاء أبريل 07, 2010 4:47 pm

الرجوع الى أعلى الصفحة اذهب الى الأسفل
dr e7sas



عدد المساهمات : 2
تاريخ التسجيل : 14/04/2010

مُساهمةموضوع: رد: حرر عقلك لإستقبال المؤثرات الإيجابية .. Free Your Mind   الجمعة أبريل 23, 2010 2:26 am

االموضوع جميل جدا و اعجبني فيه كيفية فهمك و تفسيرك لكل من العوامل النفسية و الحالة النفسية و المرض النفسي

و تاثير كل منهما علي الاخر ايضا ايضاح العلاقة بين كل منهما بالاخر و العلاقة بين الحالة النفسية و المرض النفسي و اظهار جوانب الاختلاف بينهم
و عرضك للموضوع بامثلة توضيحية مما اعطي للموضضوع مصدقة لما انت مؤمن به من افكار ووجهة نظر شخصية مليئة بالايمان بما تكتب فيه
و استخدامك للدمج بين اللغة العربية العامية و الفصحي حتي تستطيع توصيل المعلومة بيسر و سهولة للقارئ

بصرحة الموضوع هايل و انا اري من وجهة نظري الشخصية المتواضعة انها ابسط طريقة لمعرفة العلاقة بين العوامل النفسية و معرفة الفرق بين الحالة النفسية و المرض النفسي
و من هنا استطيع ان اضم رأئئ لرايك انه يجب ان نحرر عقولنا لاستقبال المؤترات الايجابية و ليست السلبية حتي نستطيع ان نصل بانفسنا الي درجة الصحة النفسية و التوافق النفسي مع انفسنا و مع الاخرين
احب ان اشكرك مرة اخري علي هذا الموضوع .............
مع تحياتــــــــــــــــــي
دكتورة / لـــــــــــــــــــــــورا
الرجوع الى أعلى الصفحة اذهب الى الأسفل
 
حرر عقلك لإستقبال المؤثرات الإيجابية .. Free Your Mind
الرجوع الى أعلى الصفحة 
صفحة 1 من اصل 1
 مواضيع مماثلة
-
» برنامج يحذف اى شىء من الصورة دون المساس بها
» تحميل فيلم بيت الاشباح اسماعيل يس للتحميل
» اناشيد سامى يوسف بدون ايقاع
» FREE DCT4+ RSA Unlocker 1661 , 1662 , 1202 , 5030
» حمل مجانا مسلسل ون بيس القطعة النادرة one piece down free

صلاحيات هذا المنتدى:لاتستطيع الرد على المواضيع في هذا المنتدى
أهلا وسهلا بكم في منتديات تيام :: قضايا يطرحها اعضاء المنتدى-
انتقل الى: