الرئيسيةالقرآن الكـريمأخبار مصر اليوم(** ذاكـرة مصـر المعاصـرة **)س .و .جبحـثدخولالتسجيل

شاطر | 
 

 المواقع الاباحية ف مصر

اذهب الى الأسفل 
كاتب الموضوعرسالة
سما



عدد المساهمات : 44
تاريخ التسجيل : 13/03/2010
العمر : 98

مُساهمةموضوع: المواقع الاباحية ف مصر   الأحد أبريل 11, 2010 9:55 pm

السلام عليكم ورحمه الله وبركاته







لماذا لا يتم حجب المواقع الاباحية فى مصر ؟






هو ايه فائدة عدم حجب المواقع الاباحية فى مصر ؟ مش عارف صح !!!


بتزود الدخل مثلا ؟ لأ


بتجيب سياحة ؟ لأ


بتجيب دولار ؟ لأ


بتجيب ضعف جنسى ؟ اه


بتجيب خراب فى البيوت ؟ اه


بتجيب وبتشجع على جرائم الاغتصاب ؟ اه




الخ الخ الخ الخ .........





طب ساكتين ليه فى مصر عليها ؟ مش عارف

طب سؤال تانى لو مصر حجبت المواقع الاباحية هيبقى خير ولا شر ؟
طب لو خير منعملوش ليه ؟
طب لو شر منمنعوش ليه ؟





وأهم الأشياء الضرورية التي ترعاها الشريعة الإسلامية لجميع رعاياها، ألا وهي : الدِّين، النفس، العقل، النسل، والمال


والمواقع الاباحية بلا ريب تقضى عليها جميعاً




حاجة تجنن المجنون ............

الموضوع ده شاغلنى منذ فترة كبيرة ومش عارفه ازاى ممكن يتحقق !
يعنى مين يساعد!
مين يضغط على أصحاب القرار فى الموضوع ده !

كلنا شفنا مثلاً دعوات الاضراب اللى ملت الانترنت بمعدل كل شهر اضراب، وفيه منها كان له تأثير ومنها لأ، وبغض النظر عنها انا اللى يهمنى ان الانترنت ده عفريت قوى كامن ممكن يعمل تغيير نحو الخير ونحو الشر وانا هنا ان شاء الله ادعوكم جميعاً الى الخير وهو ايه



دعوة عامة الى حجب المواقع الاباحية بمصر !!!!!!









انا متفائله بنجاح الموضوع ده ليه؟
لانه مش ضد حد خالص (بيتهيألى كده) ومحدش هيقدر يدافع عن عدم الحجب ! ( أتمنى لان فيه ناس بجحة بشكل غريب )لانه سوف يتم اتهامه بتهم اخلاقية ذميمة وهيترمى فى مزبلة التاريخ وهيخاف يدافع حتى لو من جواه مش موافق لسبب او لاخر! صح
فلو قلنا الدش صعب ازاى هنمنع القنوات الاباحية ؟ طيب الانترنت سهل جداً عن طريق حجب الآى بى ويتم تطبيق ذلك فى معظم الدول العربية مثل الامارات والسعودية وغيره يعنى الفكرة مش جديدة بس ليه مش مطبقة فى مصر مش عارفه !
طيب انتو لو عارفين متريحونى وتقولولى ؟

طيب هو احنا لو حجبنا المواقع الاباحية الشباب يعنى مش هيعرفوا يتحايلوا على الموضوع ؟
بص لما يكون عندك بيت دعارة رافع العلم وبيقولك انا اهو ... ها تقفله ولا تفكر انهم هيدوروا على شقق مستخفيه علشان يرتكبوا فيها الزنا ؟ ؟ طبعاً لما تقفل المواقع الاباحية هتقل باب كبير خصوصا للمبتدئين ومن والفضوليون والعيال الصغيرة ومن ليس لهم خبرة بالانترنت.... المهم اطلع منها وهى تعمر ان شاء الله




بس عاوزاك تتخيل حاجة صغيرة ان شاء الله لما الموضوع ده يتحقق ( قريب ان شاء الله ) هتبقى ليك كام حسنة عند المولى عزوجل انك شاركت فى حماية شباب بلادك ! متخيل

باختصار الموضوع جاهز وعاوز زقة صغيرة منك ومنى ومن كل مسلم غيور على دينه وانا مستغرب جداً هو ازاى فى بلد اسلامى وبلد الازهر كمان لم يتم حجب المواقع من البداية مش من دلوقتى وبس !!! بس مش مهم اهو ما لا يُدرك كله لا يُترك كله، ونلحق اللى لسه مشافش ومعرفش ... وناخد احنا الثواب ان شاء الله

انا دخلت على موقع ترتيب المواقع لكل بلد فلقيت فى معظم الدول العربية كام موقع جنسى فى صدارة أكثر مائة موقع يدخلها المواطنون العرب، فى مصر مثلاً المواقع الاولى جوجل وياهو وميكروسوفت وفيسبوك ومصراوى والبلوجز ومواقع رفع الملفات وبداية هذه المواقع الاباحية من رقم 25 تخيل ده بيدخلوا كام مليون مصرى يومياً ؟؟؟



** لو حد ممكن يُلحق الموضوع ده بالحملة اللى كانت منتشرة على الفضائيات لعلاج حالات ادمان المخدرات واهو كله ادمان برضوا يبقى كتر خيره
** لو حد يعرف نائب فى مجلس الشعب يتبنى تقديم طلب احاطة يبقى كتر الف خيره
** لو حد يعرف يوصل لقناة فضائية تعرض الموضوع وتتبناه يبقى كتر الف خيره
** لو ممكن اى مصم يزودنى بمجموعة تواقيع وشعارات وخلفيات تخدم الموضوع
** وان شاء الله انت انوى خير بس وربنا هيشرح صدرك لفكرة تحقق الهدف ان شاء الله تعالى

وانا حاسة انى لو مكتبتش فى المدونة دى غير الموضوع دة يكفينى ذلك لانى حسب علمى لم أسمع عن حملة بهذا الشأن أبداً ولا طلب من أى جهة وكأن الموضوع ده من المسلمات – هو كده --وبفضل الله لو حد سبقنى اهو برضوا أكرر الطلب وأكمله ان شاء الله

طبعاً الكلام مش مدروس بس اعتبروه صرخة يمكن حد يسمعنا ...


ياهوووووووووووووووووووووووووووووووو
الرجوع الى أعلى الصفحة اذهب الى الأسفل
soulmate_m
Admin
avatar

عدد المساهمات : 15
تاريخ التسجيل : 27/02/2010

مُساهمةموضوع: قضية المواقع الإباحية عموما ... لكل بلد شهدت ان لا اله لا الله   الإثنين أبريل 12, 2010 2:01 am

ازيك يا اختنا الغالية روشة طالت غيبتك ودايما بتيجي ومعاكي المواضيع الهادفة والتي تؤثر في حياتنا كمسلمين

في الحقيقة انتي كلامك كله يوحي بالتفاؤل

تعالي نحسبها مع بعض .. قبل الإنترنت كان في الدش وكان عليه انتقاضات كتيرة اوي ومع ذلك محدش عرف يعمل حاجة ومع تقدم التكنولوجيا بقى ممكن لصاحب الدش يعمل تشفير كامل للقنوات الإباحية تحت بند انه حل في ايد اي حد يمتلك دش به قنوات اباحية !!!!

لما القنوات اتشفرت ظهر الفيديو كليب الذي اصبح بديل للقنوات الإباحية وتم انتقاضها في الفضائيات والبرامج الدينية دون جدوى ولا حياة لمن تنادي ..

و ظهر الإنترنت الذي اصبح انتشاره اوسع واكثر من انتشار الدش .. لأسباب كتيرة
1- كل بيت دلوقتي فيه كمبيوتر
2- وصلة النت رخيصة
3- الإباحية في النت اكتر من الدش
4- الإباحية لها مواد وطرق مختلفة غير متوفرة في الدش

طلعنا من الحاجة السهلة الي كنا فاكرينها صعبة الي هيا الدش وبنتكلم في حاجة صعبة جداااااا الا وهي الإنترنت ....

طيب والحل ؟

صدقيني يا اختي العزيزة ملهاش حل غير ان كل واحد يقوي ايمانه ويقوى على مواجه هذه الأمور

1- التعفف وتحصين النفس من الرذيلة
2- تقوية الخوف من الله الكامن في قلب كل مسلم
3- ابعاد الأذى عن الطريق - يعني ما تشتريش كمبيوتر وتدخل على مواقع وانت عارف ان فيها اباحية !
4- تعليم ذوينا واطفالنا وصغارنا للمعنى والهدف الحقيقي من هذه التكنولوجيا
5- محاربة الفساد وعمل اختراقات لكل المواقع الإباحية من قبل مخترقين يؤمنون بالله
6- تذكير اخيك المسلم واختك المسلمة بعواقب المواقع الإباحية واثرها دائما


وفي النهاية لو مقدرناش على الدش والفيديو كليب وجاد شويري - هنقدر على الإنترنت ؟؟؟؟؟؟؟؟

قال الله عز وجل ( إن الذين يحبون ان تشيع الفاحشة في الذين آمنوا لهم عذااب أليم في الدنيا والآخرة، والله يعلم وأنتم لا تعلمون ) الآية 19 من سورة النور

كل الناس الي قائمة على نشر الفاحشة يا روشة داخلين داخلين جهنم لا محالة

بقول رسول الله صلى الله عليه وسلم
سياتي يوم على امتي يحبون خمس وينسون خمس
01 يحبون الدنيا وينسون الاخرة
02 يحبون المال وينسون الحساب
03 يحبون الذنوب وينسون التوبة
04 يحبون الخلق وينسون الخالق
05 يحبون القصور وينسون القبور


كما قال رسول الله صلى الله عليه وسلم ( ليكونن من أمتي أقوام يستحلون الحر والحرير والخمر والمعازف )
صدق رسول الله صلى الله عليه وسلم



ايه اكتر من ان دي كلها من علامات الساعة

اانا لا ادعوا بالنسيان او غض البصر عن قضية الإنترنت ولكنني فضلت ان آخذ الموضوع من زاوية اخرى

تقبلي مروري بود واشكرك على موضوعك الرائع

صديقكم سولميت
الرجوع الى أعلى الصفحة اذهب الى الأسفل
سما



عدد المساهمات : 44
تاريخ التسجيل : 13/03/2010
العمر : 98

مُساهمةموضوع: رد: المواقع الاباحية ف مصر   الإثنين أبريل 12, 2010 1:25 pm

السلام عليكم و رحمة الله و بركاته

اخى سلوميت

بالنسبة للقنوات لما اتشفرت ناس كتير امتنعت عن رؤية هذة المحرمات

و الفيديو كليب على ما فية ليس بفظاعة هذة القنوات بماتحوى من فحش و فجور

بالنسبة للنت فهو الاوسع و الاسرع فى نشر هذة الكبيرة



و انا معك فى ما رايتة من حل للمشكلة

ان كل واحد يقوي ايمانه ويقوى على مواجه هذه الأمور


1- التعفف وتحصين النفس من الرذيلة
2- تقوية الخوف من الله الكامن في قلب كل مسلم
3- ابعاد الأذى عن الطريق - يعني ما تشتريش كمبيوتر وتدخل على مواقع وانت عارف ان فيها اباحية !
4- تعليم ذوينا واطفالنا وصغارنا للمعنى والهدف الحقيقي من هذه التكنولوجيا
5- محاربة الفساد وعمل اختراقات لكل المواقع الإباحية من قبل مخترقين يؤمنون بالله
6- تذكير اخيك المسلم واختك المسلمة بعواقب المواقع الإباحية واثرها دائما


و احب اذكر بالاياتالتى تقول

قال تعالى: {ان الله لا يغير ما بقوم حتى يغيرو ما بانفسهم وإذا أراد الله بقوم سوء فلا مرد له ومالهم من دونه من وال}.(الرعد)

قال تعالى ) :{وأن لو استقاموا على الطريقة لأسقيناهم ماء غدقاً }.(الجن).


وفي بعض الاحاديث القدسية عن الله تبارك وتعالى أنه قال: وعزتي وجلالي لا يكون عبد من عبيدي على ما أحب ثم ينتقل عنه إلى ما أكره إلا انتقلت له مما يحب عبيدي إلى ما يكره ولا يكون عبد من عبيدي على ما أكره فينتقل عنه إلى ما أحب إلا انتقلت له مما يكره إلى ما يحب.


لكن دة لوحدو مش كفاية المفروض نعمل للقضاء على مصادر هذة المعصيه

لو نبطل السلبية و يبقا لنا دور ايجابى هتفرق كتير

و لان يهدى الله بنا رجلا واحدا خيرا مما طلعت علية الشمس

اشكرك اخى سلوميت على تشريفك لموضوعى و ترحيبك دمت بود
الرجوع الى أعلى الصفحة اذهب الى الأسفل
 
المواقع الاباحية ف مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أهلا وسهلا بكم في منتديات تيام :: قضايا يطرحها اعضاء المنتدى-
انتقل الى: